Според информациите од Главната дирекција за безбедност од пожар и заштита на населението во Бугарија, во последните 24 часа успешно се изгаснати сите 279 пожари на територијата на државата.
На среќа, немало човечки жртви, но имотот претрпел значителна штета. Десетици станбени и помошни објекти биле зафатени, а неколку возила уништени од огнената стихија. Како превентивна мерка, во некои региони било неопходно да се евакуираат жителите.
Во врска со ситуацијата, активиран е националниот систем за предупредување „БГ-АЛЕРТ“ на повеќе места низ Бугарија.
Премиерот Росен Жељазков упати апел до локалните и регионалните власти да преземат неопходни мерки за спречување на идни пожари, нагласувајќи колку е важно да се заштити населението и имотот.
