Резолуција за осуда на манипулациите на опозицијата
ВМРО-ДПМНЕ поднесе предлог-резолуција до Собранието на Република Македонија, со наслов „Резолуција за осуда на манипулациите на опозицијата и за потврда на политиките против нелегалната миграција“. Од партијата истакнуваат дека овој документ претставува крај на, како што велат, манипулациите на СДС во врска со мигрантите, како и организираната кампања што создава несигурност и паника помеѓу граѓаните.
Тверди се дека државата има јасна политика против нелегалната миграција и нема намера да отвора мигрантски кампови, а целта на резолуцијата е да донесе стабилност и сигурност. Според соопштението, ВМРО-ДПМНЕ ги осудува политиките и одлуките на поранешната влада предводена од Зоран Заев, за кои тврдат дека отвориле можности за формирање кампови за мигранти, што е спротивно на националните интереси.
Резолуцијата содржи девет точки и предвидува осуда на дезинформациите за наводното прифаќање мигранти и изградбата на кампови. Во документот се потврдува дека такви политики не постојат и нема да постојат, и се поништуваат сите претходни аранжмани поврзани со мигрантските кампови. Исто така, се повикува на одговорен и јасен говор, во интерес на безбедноста, стабилноста и пријателските односи помеѓу етничките заедници.
Паралелно, се наведува дека свесното ширење дезинформации ќе биде санкционирано согласно важечките закони. Според ВМРО-ДПМНЕ, резолуцијата воспоставува јасна државна политика против нелегалната миграција и стапува во сила веднаш. Партијата ги повикува сите политички субјекти да ја поддржат оваа резолуција, со цел да се стави крај на „лагите и конструкциите на СДС“.
