На денешниот настан под наслов „Четири години работа за тебе“, организиран од страна на општина Свети Николе, градоначалникот Дејан Владев изрази задоволство од постигнатите резултати.
Владев истакна дека за време на неговиот мандат, општината инвестира во сите области без исклучок.
„Свети Николе вложи значителни средства во различни сектори, вклучувајќи ја и изградбата на новата противпожарна станица. Сега имаме една од најмодерните станици на територијата на нашата земја“, рече Владев.
Градоначалникот додаде дека се инвестира и во инфраструктура, образovanje, култура и спорт.
„Се фокусиравме на обновата на инфраструктурата, каде што вложивме значителни ресурси за подобрување на основните услови за живеење. Изградивме четири детски игралишта и нова зона за младите во паркот. Исто така, активно поддржуваме културата, помагајќи во зачувувањето на локалната традиција, по што Свети Николе е познат“, заврши Владев.
