Претседателот на Фудбалската федерација на Македонија, Масар Омерагиќ, присуствува на 76. Конгрес на ФИФА кој се одржува во Ванкувер. Заедно со генералниот секретар, Леонид Јандреоски, и македонската фудбалска легенда, Горан Пандев, активно учествуваат во носењето на значајни одлуки за иднината на фудбалот во светот.
Омерагиќ ја истакна важноста на финансиската стабилност и развојните политики како главен фокус на Конгресот, заедно со усвојувањето на извештаите за изминатата година. Исто така, се разгледуваат буџетските предлози за периодот 2027-2030, кој е клучен за глобалниот развој на фудбалот.
„На 76. Конгрес на ФИФА во Ванкувер, со генералниот секретар Леонид Јандреоски и Горан Пандев активно работиме на донесување одлуки кои директно влијаат на иднината на светскиот фудбал. Главните теми вклучуваат финансиска стабилност, развојни стратегии, усвојување на извештаи од претходната година, поставување буџети за периодот 2027-2030, како и значајни прашања за управувањето и интегритетот во фудбалот. Нашето присуство значи активно учество во обликувањето на иднината на фудбалот и јакнење на меѓународната соработка“, изјави Масар Омерагиќ.
На Конгресот се расправа и за прашања релевантни за управувањето и интегритетот на фудбалот, што дополнително ја нагласува важноста на овој настан, на кој представниците на националните федерации имаат можност да влијаат директно на насоките во кои ќе се развива светскиот фудбал во следните години.
