Лука Дончиќ ќе биде домаќин на речиси целиот тим на Лос Анџелес Лејкерс за време на петдневниот собир во Словенија, а за своите соиграчи подготвил и специјална програма надвор од кошаркарските активности.
Според информациите од ESPN, Дончиќ организирал лет со приватен авион за 14 играчи, а по пристигнувањето, добиле пакети со подароци, исполнети со словенечки производи.
„Езерџиите“ пристигнаа во Љубљана овој четврток, каде што ќе престојуваат до 24 август, со цел да почнат да градат хемија пред почетокот на сезоната 2026/2027.
Покрај заедничките тренинзи, Дончиќ ќе ги одведе своите соиграчи во еден од неговите омилени ресторани, планирано е и патување до Блед, риболов, голф и многу други активности. Готово целиот состав на Лејкерс ја прифати поканата на Дончиќ.
Пристигнаа 16 од неговите 17 соиграчи, меѓу кои се Остин Ривс, Вокер Кеслер и Брони Џејмс.
Сандро Мамукелашвили ќе се приклучи на тимот одделно бидејќи моментално се наоѓа во Грузија. Единствениот кој нема да биде во Словенија е новодојдениот Кем Кар, но не по негова собствена желба.
Во истиот период, тој е обврзан да присуствува на задолжителната ориентација за дебитантите во НБА во Соединетите Држави.
Дончиќ фактички ќе биде домаќин на целиот тим на Лејкерс во својата татковина и ќе се обиде да ги постави темелите за новата сезона преку петдневни тренинзи, дружење и активности надвор од теренот.
Фото/ Depositphotos
