Лидерот на холандската Партија на слободата, Герт Вилдерс, одлучи да се повлече од владината коалиција, што резултираше со пад на владата во Холандија. Ова го објавија лидерите на останатите коалициски партии по кратка консултација со Вилдерс.
„Не се согласуваме за нашите планови за азил. Не ќе има никаква корекција на основниот договор. Партијата на слободата ја напушта коалицијата“, напиша Вилдерс на социјалната мрежа „Икс“.
Останатите коалициски партнери — Народната партија за слобода и демократија, Новиот општествен договор и Земјоделско-граѓанското движење — остро реагираа на постапката на Вилдерс. Лидерот на Земјоделско-граѓанското движење, Каролин ван дер Плас, го опиша неговиот потег како „неодговорен чин на политичко самоубиство“, додека Николин ван Вронховен од Новиот општествен договор го оцени напуштањето како „текстуално неодговорно“. Дилан Јешилгоз од Народната партија за слобода и демократија изјави дека е „многу лута“.
Иднината на десничарската влада, предводена од независниот премиер Дик Схоф, стана несигурна по итниот состанок на лидерите на коалицијата, одржан во понеделникот вечерта, кога се расправаше за политиката за азил. Тогаш Вилдерс изрази песимизам околу опстанокот на коалицијата, која владее помалку од една година.
