Десетици луѓе претрпеле повреди во тешка железничка несреќа во Русија, поради кој патнички воз излетал од шините. Според првичните информации, неколку вагони се превртеле, а веднаш по настанот на местото пристигнале спасувачки и медицински екипи.
Несреќата се случила на линија по која во тој момент сообраќал воз со над 200 патници. Дел од вагоните излегле од шините и завршиле покрај пругата. Повредените патници пренесени се во болници, а некои од нив добиле медицинска помош на лице место.
Според известувањата од руските железници, сообраќајот на пругата бил привремено прекинат за време на спасувачката операција и расчистување на теренот. Властите започнале истрага за причините за несреќата, а помеѓу можните фактори се споменуваат оштетување на пругата или лоши временски услови.
На социјалните мрежи се појавија видеоснимки од местото на несреќата, на кои можат да се видат превртени вагони и спасувачки екипи кои им помагаат на патниците.
