Најдобриот тим од Истокот, Детроит Пистонс, ја прекинаа впечатливата серија од девет победи на ЛА Лејкерс. Во возбудлив натпревар изминатата ноќ, Пистонс славеа со конечен резултат 113:110.
Пистонс, кои играа без својот најдобар играч Кејд Канингем, беа во водство од 16 поени во третата четвртина. Иако Лејкерси се вратија и имале предност, не успеаја да стигнат до победата.
Додека до крајот останаа околу 30 секунди, Лејкерс имаа предност, но херојот на Пистонс, Џенкинс, постигна шест поени во клучните моменти, по што Дончиќ промаши важен шут и со тоа му донесе победа на својот тим.
Во последната акција, Дончиќ не успеа да погоди шут за три поени.
На крајот, Словенецот забележа 32 поени, седум скока и шест асистенции, но тоа го постигна со 11/29 од игра (38%).
Покрај него, Остин Ривс се истакна со 24 поени и пет асистенции, Деандре Ајтон со дабл-дабл од 13 поени и десет скока, додека Леброн Џејмс беше близу до трипл-дабл со 12 поени, девет скока и десет асистенции.
Во победничкиот состав, Денис Џенкинс беше апсолутен херој со 30 поени и осум асистенции (11/18), а Џејлен Дурен го следеше со 20 поени и 11 скокови.
Резултати:
Мајами – Сан Антонио 111:136
/Пауел 21 – Вембањама 26/
Орландо – Индијана 126:128
/Банкеро 39 – Сиакам 37/
Филаделфија – Оклахома 103:123
/Еџкомб 35 – Гилџис Александер 22/
Атланта – Мемфис 146:107
/Александар Вокер 26 – Џексон 26/
Чикаго – Хјустон 132:124
/Секстон 25 – Дурант 40/
Јута – Торонто 127:143
/Бејли 37 – Берет 27/
Далас – Голден Стејт 131:137
/Флег 32 – Муди 23/
Портланд – Бруклин 134:99
/Авдија 18 – Камара 35/
ЛА Клиперс – Милвоки 129:96
/Ленард 28 – Трент 20/
Foto/ /depositphotos
