Хулигани нападнаа делегат за време на натпреварот Локомотив Пловдив – Септември Софија во бугарското првенство.
Пред почетокот на натпреварот во Пловдив се одржа речиси половина час долга церемонија и молитва во чест на стогодишнината на клубот Локомотив.
Гостите од Софија го однесоа триумфот благодарение на голот на Рупанов од пенал во 60. минута.
Инцидентот се случи во судиското надополнување на времето. Еден од навивачите на Локомотив Пловдив колабираше на трибините, по што лекарите веднаш реагираа и човекот беше пренесен во болница со возило на Брза помош.
Во моментот кога возилото го напушташе теренот, еден од навивачите што стоел покрај аут-линијата се впушти во вербална расправија со делегатот на натпреварот. Наскоро, ситуацијата ескалираше, па повеќе навивачи почнаа да се спуштаат на теренот. Делегатот беше погоден со два силни удари во главата, што предизвика крварење од неговиот нос.
По кратка пауза,во која судиите и официјалните лица одржаа консултации додека навивачите се враќаа на трибините,натпреварот беше продолжен и заврши без дополнителни инциденти.
Овој случај предизвика реакции во бугарската јавност, особено поради зачестените проблеми со насилство на трибините во нивното првенство. Очекувани се дисциплински мерки против Локомотив Пловдив, а бугарските фудбалски власти најавија построги казни за учесниците во насилничките инциденти.
Во меѓувреме,во бугарската Прва лига се води жестока битка за титулата помеѓу Лудогорец и ЦСКА Софија,додека Локомотив Пловдив се бори за излез во европските натпреварувања.
