Реал Мадрид не успеа да ја совлада Осасуна во натпреварот од 24. коло во Ла Лига, одигран на стадионот „Ел Садар“ во Памплона. Натпреварот заврши нерешено 1:1, со што „Кралскиот клуб“ испушти два важни бода во битката за титулата.
Екипата на Карло Анчелоти започна силно и поведе со гол на Килијан Мбапе, кој во 19. минута го совлада голманот Ерера. Ова е 11-ти гол на францускиот напаѓач во последните 10 натпревари, со што продолжува неговата одлична форма.
Сепак, клучниот момент се случи во 39. минута, кога Џуд Белингем доби директен црвен картон поради бурен протест кон главниот судија Хосе Мунуера Монтеро. Од тој момент,Реал играше со фудбалер помалку,што значително ја промени динамиката на натпреварот.
Осасуна ја искористи бројчаната предност и во 58. минута Будимир успеа да погоди од белата точка, откако Камавинга направи прекршок врз него во шеснаесетникот.
По натпреварот, шпанските медиуми жестоко ја критикуваа судиската арбитража. Според „Дифенса Централ“, Реал бил сериозно оштетен од страна на Монтеро, со неколку спорни одлуки, меѓу кои и недосудени три пенали во корист на Мадрид. Напнатоста кулминирала кога Анчелоти добил жолт картон, бурно реагирајќи на одлуките на судијата.
Следниот натпревар Реал Мадрид го игра против Севилја, додека Осасуна ќе се соочи со Бетис.Ова реми ги остави „Кралевите“ во тесна борба за титулата, особено имајќи предвид дека и Барселона и Жирона активно се борат за врвот на табелата.
