Пратеничката Иванка Василевска учествуваше на Конференцијата на председатели на секциите на националните парламенти од европскиот регион на Парламентарното собрание на Франкофонијата, што се одржа на 13 април во Варшава. На овој настан присуствуваа делегации од бројни европски земји, а дискусиите беа фокусирани на улогата на националните парламенти во Европската Унија, реформските процеси и безбедносните политики, вклучувајќи ги и предизвиците од зголемените воени трошоци.
Во своето обраќање, Василевска нагласи дека Собранието на Северна Македонија останува посветено на реализација на реформите, дури и со оглед на застојот во евроинтеграциите. Таа истакна важноста на овие процеси за развојот на одржливо и просперитетно општество. И покрај постигнатиот напредок, таа посочи на впечатокот дека евроинтеграцискиот процес е забавен. Во таа насока, бараше информации за можни механизми кои би спречиле дека билатералните прашања влијаат на пристапниот процес во Европската Унија.
