Утре, на 2 јануари, во народната традиција се одбележува празникот Свети Игнат. Овој ден има особено значење според верувањата, бидејќи се смета дека од него започнува постепеното зголемување на денот, што симболизира нова енергија и надеж за годината што следи. Според народните преданија, сè што ќе се случува на Свети Игнат или што ќе прави човекот, ќе биде показател за текот на годината.
Затоа, многу луѓе веруваат дека каков ќе биде 2 јануари, таква ќе биде и целата година. Посебно внимание се посветува на првиот човек што ќе влезе во домот. Доколку тоа е млад, весел и добар човек, тоа се смета за носител на среќа и бериќет. Спротивно на тоа, ако прв влезе постара личност, тоа се интерпретира како најава на неповолна година.
Затоа, важно е овој ден да се помине во добро расположение, без конфликти и стрес, со позитивни мисли и убави дела. Верувањето е дека треба да се практикуваат сите работи што човеку му носат мир, насмевки и спокојство во текот на целата година.
Како дел од традицијата, се препорачува пред спиење да се прочита неколку страници од добра книга, со надеж дека „умно ќе тргне годината“. Свети Игнат не само што нè потсетува на важноста на блиските, туку и на тоа да исказуваме благодарност и љубов, исполнувајќи го денот со мир и добрина. На овој начин, 2 јануари станува симбол на убав почеток и надеж за среќна и мирна година.
