Унгарија бара од Европската комисија и Украина да ги исполнат своите обврски за безбедност во однос на нафтоводот „Дружба“, изјави шефот на кабинетот на унгарскиот премиер, Гергеј Гујаш.
„Како трета земја и потенцијален член на Европската унија, Украина се обврза да обезбеди енергетско снабдување за сите земји-членки на ЕУ, вклучувајќи и Унгарија и Словачка“, истакна Гујаш на брифингот на Владата.
Тој нагласи дека Европската комисија на 27 јануари 2025 година ѝ додиела на Будимпешта писмени гаранции за безбедноста на инфраструктурата која е клучна за енергетското снабдување на Унгарија.
„Очекуваме сите страни да ги исполнат своите обврски и правила, вклучувајќи и ЕУ и Украина“, додаде Гујаш.
Тој исто така ја критикуваше Украина, оценувајќи дека не заслужува членство во Европската унија поради нејзините активности, кои вклучуваат уништување гасоводи во земји членки и напади на нафтоводи кои функционираат за индустриски цели.
„Членството во ЕУ не е приемливо за земја која ја загрозува енергетската безбедност на земјите-членки со вакви акции“, заклучи Гујаш, алудирајќи на вмешаноста на украинските служби во саботажата на гасоводот „Северен тек“.
