Иранскиот министер за надворешни работи, Абас Арагчи, ја повика соседните земји да вршат притисок врз Соединетите Американски Држави поради нападите на Иран. Во изјава за државната телевизија, тој истакна дека Техеран не се наоѓа во војна со другите држави во регионот, иако изврши одмазднички напади врз Обединетите Арапски Емирати, Катар и Бахреин.
Осврнувајќи се на убиството на врховниот лидер Али Хамнеи, Арагчи го опиша овој чин како „верски злостор“, нагласувајќи дека последиците ќе бидат далекусежни. Според него, Вашингтон и Тел Авив не ја разбираат важноста и длабочината на ваквиот настан за иранското општество и за поширокиот регион. Техеран, како што спомена, ќе продолжи да реагира во согласност со своите интереси и безбедносни проценки.
