Синоќа во 23:49 часот, полицијата од ОВР Кичево го уапси М.Ц. (50) од село Мешеишта, општина Дебрца, на главниот пат Кичево – Охрид. Полициските служби го сопреа неговото возило „Фолксваген пасат“ со ознаки од Охрид, и било утврдено дека возачот е под влијание на алкохол, со концентрација од 1,53 промили во крвта. Поради ова, му беше забрането понатамошно учество во сообраќајот и беше задржан во полициската станица. По завршувањето на истрагата, ќе биде покрената пријава против него според член 297-а од Кривичниот законик за „безобѕирно управување со моторно возило“, извести МВР.
