Претседателот на САД, Доналд Трамп, изјави дека не му понудил ништо на Иран и дека „воопшто не разговара“ со иранските лидери.
“Не му нудам ништо на Иран, за разлика од претходниот претседател Барак Обама, кој им дозволи милијарди долари преку договорот од 2015 година, познат како Заеднички сеопфатен план за акција. Јас дури не комуницирам со нив, бидејќи целосно ги уништивме нивните нуклеарни капацитети,” напиша Трамп на својата социјална мрежа.
Тој пред три дена предупреди дека САД несомнено ќе продолжат со нападите врз Иран ако земјата продолжи да го збогатува ураниумот до ниво потребно за производство на нуклеарно оружје.
“Дипломатските разговори со Вашингтон можат да продолжат само ако САД ги прекинат нападите врз Иран,” изјави иранскиот заменик министер за надворешни работи, Маџид Тахт Раванчи.
