Американскиот претседател Доналд Трамп изјави дека Иран би поседувал нуклеарно оружје ако не ја прекинел ненадејно спогодбата која ја постигна администрацијата на Барак Обама. На својата платформа „Трут соушал“, Трамп истакна дека светот денес би изгледал „целосно поинаку“ ако не беше раскинат, како што го нарече, „ужасниот“ договор со Техеран.
„Иран ќе имаше нуклеарно оружје уште пред три години“, напиша Трамп, оценувајќи дека спогодбата била „најопасната трансакција во која некогаш сме учествувале“. Тој ги обвини поранешниот претседател Обама и актуелниот претседател Џо Бајден за создавање услови што придонеле за зајакнување на иранската закана. На крајот од објавата, Трамп иронично ја изрази благодарноста на самиот себе за својата одлука да ја раскине спогодбата.
Нуклеарниот договор со Иран, формално познат како Заеднички сеопфатен план за акција, беше постигнат во 2015 година помеѓу Техеран и светските сили, но администрацијата на Трамп се повлече од него во 2018 година, повторно воведувајќи строги санкции против Иран.
