Американскиот претседател Доналд Трамп во петокот потврди дека им подарил на неколку членови на неговиот кабинет идентични чевли од неговата омилена марка.
Весникот „The Wall Street Journal“ првпат извести за необичните подароци, наведувајќи дека Трамп подарил чевли од брендот „Florsheim“ по цена од 145 долари.
„Тоа се извонредни чевли“, изјави Трамп во интервју за Fox Radio кога беше прашан за оваа ситуација.
„Она што го правам е да им укажам на важноста на удобноста. Кога некој долго време носи чевли кои не се добри и не им одговараат, се зафркавам со тоа“, рече 79-годишниот републиканец.
„Кога некој ми каже дека има проблем со чевлите, му велам: ‘Ќе ти набавам нов чифт.’ Очигледно тоа функционира многу добро. Сега изгледаат стилски и убаво. Тоа е подарок од Доналд Трамп“, објасни претседателот.
Трамп додаде дека „никогаш не сакал членовите на кабинетот да носат патики“.
Весникот извести дека меѓу оние кои носат овие чевли се потпретседателот ЏејДи Венс, државниот секретар Марко Рубио и министерот за одбрана Пит Хегсет.
На една од фотографиите, шефот на американската дипломатија Рубио јасно се гледа како носи овие чевли, кои изгледаат малку преголеми за него.
Моделот на веб-страницата на „Florsheim“ што најмногу личи на оние од фотографиите е кожена чевла произведена во Кина, која се продава по цена од 145 долари за чифт.
