Германскиот канцелар Олаф Шолц денеска ја изрази својата загриженост во врска со изјавите на Доналд Трамп, кој го нарече украинскиот претседател Володимир Зеленски „диктатор“.Според Шолц, ваквото тврдење не само што е неточно, туку и претставува сериозна опасност, пренесува германскиот весник „Шпигел“.
– Неправедно е и ризично да се оспорува демократскиот легитимитет на Зеленски – изјави Шолц во разговор за медиумите.
Тој потсети дека актуелниот претседател на Украина е избран преку демократски процес.
– Во услови на војна, нема можност за спроведување редовни избори, што е во согласност со украинскиот устав и изборните прописи. Ова е суштински факт што никој не треба да го оспорува – нагласи германскиот канцелар.
Доналд Трамп денеска го критикуваше Зеленски, нарекувајќи го „диктатор без избори“, откако украинскиот претседател посочи дека поранешниот американски лидер е под влијание на руски дезинформации.Трамп тврди дека секој мировен договор што би ја завршил војната меѓу Русија и Украина е можен, но според Киев, предложените услови се неприфатливи и во корист на Москва.
Во своето редовно вечерно обраќање преку Телеграм, Зеленски не го спомена директно Трамп, но истакна дека стабилен мир во Украина може да се постигне преку поддршката на САД и Европа.
– Утре имаме значајна средба со американскиот претставник за Русија и Украина, Кит Келог.За нас е клучно сите разговори со Соединетите Држави да бидат конструктивни – порача украинскиот претседател.
