Паметните телефони и компјутерите нема да бидат опфатени со новите американски царини за кинески производи, според последните насоки од Царинската и гранична заштита на САД.
Одлуката следува откако претседателот Доналд Трамп претходно овој месец воведе царини од 145% за низа производи од Кина, потег што се очекуваше да има значително влијание врз технолошките компании како „Епл“, која ги произведува своите „Ајфон“ телефони и повеќето други уреди во Кина.
Новите упатства за царините вклучуваат изземање и за други електронски уреди и компоненти, како што се лаптопи, полупроводници, соларни ќелии, екрани за телевизори со рамен панел, УСБ-стикови, мемориски картички и ССД-дискови за складирање податоци.
Иако овие производи може во иднина да подлежат на дополнителни давачки, се очекува тие да бидат пониски од стапката од 145% што беше првично наметната од администрацијата на Трамп за стоки од Кина.
