Иран настојува со притисок и демонстрација на сила да воспостави контрола над Ормускиот Теснец, еден од најзначајните поморски коридори во светот, велат аналитичарите од Институтот за проучување на војната (ИСВ). Според нивната анализа, Иранската револуционерна гарда работи на создавање услови кои ќе му овозможат на Техеран доминантна улога во контролата на пловидбата низ теснецот.
Во последните недели, Иран неколку пати ја потенцираше својата намера да ја задржи контрола над Ормускиот Теснец и по завршувањето на актуелниот конфликт. Техеран, во раните фази на судирот, фактички го затвори преминот, обиде да наплатува премин на бродови и дури отвори огнот кон одредени пловила кои минуваа низ областа.
Според ИСВ, неодамнешните воени акции на САД против ирански цели се дел од поширока стратегија на Вашингтон за спречување на воспоставување таква контрола. „САД превземаат мерки за да ги блокираат иранските обиди за создавање систем на рекетарство во Ормускиот Теснец“, велат од ИСВ.
Во тој контекст, американското Министерство за финансии на 27 мај воведе санкции против организацијата „Persian Gulf Strait Authority“, укажувајќи дека санкциите би можеле да влијаат и на други субјекти кои соработуваат со неа.
Ормускиот Теснец, преку кој се реализира значителен дел од глобалната трговија со нафта, стана клучно спорно прашање во актуелниот конфликт меѓу Иран и САД. ИСВ додава дека иранските преговарачи понудиле одредени отстапки во разговорите, но за сега не е познато дали тие ќе бидат прифатени од страната на највисокото политичко и воено раководство во Техеран.
