Легендарниот дефанзивец на Реал Мадрид од „златната ера“, Хозе Емилио Сантамарија, почина на 96-годишна возраст, соопшти денеска клубот.
Овој уругвајски репрезентативец му се приклучи на Реал во 1957 година, успевајќи да освои еден Интерконтинентален куп, шест титули во Ла Лига и еден Куп на Шпанија, играјќи вкупно 337 натпревари во текот на деветте сезони во клубот.
„Сантамарија ќе биде запаметен како еден од најголемите симболи на нашиот клуб. Тој беше дел од тим кој остана во сеќавање на сите жители на Мадрид и навивачите на фудбалот ширум светот“, изјави претседателот на Реал Мадрид, Флорентино Перез.
Сантамарија настапил за Уругвај на Светското првенство во Швајцарија 1954 година, а потоа го носеше дресот на шпанската репрезентација на Мундијалот во Чиле 1962 година.
Како тренер, тој ја предводеше шпанската олимписка репрезентација на Игрите во Мексико Сити 1968 година и на Олимписките игри во Москва 1980 година, а бил и селектор на шпанската репрезентација на домашниот Мундијал во 1982 година.
