Бојан Стојаноски, пратеник од ВМРО-ДПМНЕ, во вечерашното издание на „Тема на денот“ на телевизија Сител изјави дека измените на Кривичниот законик се само привремено решение, произлегувајќи од одлуката на Уставниот суд донесена во февруари годинава. Со таа одлука, на Собранието му беше задредено до крајот на годината да го измени законот.
Стојаноски појасни дека во Министерството за правда е формирана работна група која интензивно работи на креирањето на нов Кривичен законик, усогласен со европските директиви и стандарди, чие завршување се очекува во 2026 година. Тој наведува дека пратеничката група на ВМРО-ДПМНЕ поднела предлог за измена, со цел да се спречи поништување на одредени статути од Кривичниот законик, што би довело до тотална амнестија на активните судски предмети и би создадило сериозна правна празнина.
„Во нашата држава во моментот постојат два паралелни процеси во однос на Кривичниот законик. Едниот е во подготовка во Министерството за правда и е дел од Реформската агенда, и ќе биде донесен во 2026 година. Другиот, оваа привремена измена, ние како пратеничка група ја поднесовме со цел да спречиме амнестија на поголем дел од лицата кои извршиле кривични дела под одредени квалификации, но и за да ја обезбедиме правната држава барем додека не го усвоиме новиот Кривичен законик“, нагласи Стојаноски.
