Во пресрет на новогодишните празници, кога градовите блескаат од украсите и се чувствува празничната магија, тагата на семејствата кои се соочуваат со загубата на своите најмили по трагичниот инцидент во дискотеката „Пулс“ станува уште построга. Мајка на едно од момчињата кои загинаа, преку социјалните мрежи сподели потресно писмо посветено на својот син и неговите пријатели, кои, како што вели, својата прва Нова година наместо со семејствата ја дочекуваат „на небото“.
Во ова емотивно обраќање, таа се присетува на исполнетите планови, смеата и надежите кои обично ги носат овие празнични денови. Наместо радост, во нејзиното срце остана тишина и болка полна спомени. „Вашиот глас, вашата смеа и љубов требаше да се слушнат тука. Но, наместо тоа, останаа единствено тишина, болка и солзи. Среќна ви прва небесна Нова година, наши ангели“, пишува таа.
Мајката ја истакнува најтешката вистина за родителите: празниците преку кои требаше да се споделуваат радости, тие сега ги минуваат на вечните почивалишта на своите деца, а не околу заедничката трпеза. Свесна дека повторната средба е невозможна, таа се обраќа со апел за правда. „Сакаме само едно – правдата да ја пресуди вашата предвремена смрт. Ако тоа се оствари, ќе знаеме дека има правда“, завршува нејзиното обраќање, кое повторно ја отвори болката и го засили јавниот повик за правно и морално разрешување на трагедијата што силно го погоди многу семејства.
