Венко Филипче објави дека Оливер Спасовски останува координатор на пратеничката група
На прес-конференција, лидерот на СДСМ, Венко Филипче, извести дека пратеникот Оливер Спасовски и натаму ќе ја извршува функцијата координатор на пратеничката група. Според Филипче, сите недоразбирања помеѓу нив се надминати.
„Спасовски сам побара да не биде координатор во периодот меѓу двата круга на локалните избори. Причината зад тоа беше техничко недоразбирање, кое успешно го решивме. Разбирам зошто имаше реакција од негова страна, бидејќи целата ситуација доведе до непријатности, а тоа не беше нашата намера. По дополнителни разговори и расчистување на ситуацијата, Оливер Спасовски останува координатор”, изјави Филипче.
Тој објави дека СДСМ, започнувајќи од утре, ќе организира серија прес-конференции на кои ќе бидат презентирани т.н. „страшни скандали“, со цел граѓаните да бидат информирани за дејствијата на луѓето блиски до Владата и што се случува зад сцената.
