Давиде Анчелоти, син на познатиот италијански тренер Карло Анчелоти, кој моментално е селектор на репрезентацијата на Бразил, веќе не е тренер на Ботафого. Анчелоти јуниор го презеде кормилото на бразилскиот клуб во јули годинава, што беше негово прво назначување како главен тренер.
Во текот на својот мандат, Давиде Анчелоти водеше Ботафого во 33 натпревари, остварувајќи 15 победи, 10 нерешени резултати и 8 порази. Во бразилското првенство, клубот заврши на шестото место и беше елиминиран во осминафиналето на Купот Либертадорес.
Пред тоа, Анчелоти ја имаше улогата на асистент кај својот татко во клубовите Реал Мадрид, Евертон и Наполи, а започна како фитнес тренер во ПСЖ.
„Ботафого соопштува дека Давиде Анчелоти не е веќе тренер на првиот тим. Фитнес тренерот Лука Гера и асистентите Луис Тевенет и Ендру Манган заминуваат со него. Клубот му се заблагодарува на Анчелоти за неговата професионалност и посветеност за време на неговото водство и му посакува успешна кариера во иднина“, се вели во соопштението на бразилскиот клуб, додавајќи дека новиот тренер ќе биде објавен во скоро време.
Фото/ depositphotos
