Најдобриот светски тенисер, Италијанецот Јаник Синер, е вклучен во најновиот музички проект на познатиот оперски пејач Андреа Бочели, исто така од Италија.
Во песната под наслов „Прашина и слава“, Синер не пее, туку рецитира на англиски делови од своите говори, направени по значајните победи во неговата кариера.
„Ќе имаме многу први места во нашите животи, само треба да останете верни на себе“, рецитира актуелниот шампион на Австралија Опен и неодамнешен финалист на Ролан Гарос, додека во позадината свири мелодична музика.
„Ми претставува голема чест и задоволство да бидам дел од овој проект со Андреа. Никогаш не можев да замислам дека мојот глас ќе биде дел од негова песна, тоа е навистина силна емоција“, изјави Синер, кој досега има освоено 19 АТП трофеи, вклучувајќи три грен слем титули.
Бочели, кој е продавач на над 70 милиони албуми, го опиша овој проект како „ода на упорноста и достоинството на секојдневниот труд, кој секој неизвесен чекор го преобразува во дел од нешто поголемо“.
