Самата албанска власт, според Законот за заштита на правата на малцинствата, им овозможува на малцинствата да ги остварат своите интереси. Најзначајно е колку ние сме отворени да ги слушаме, да се среќаваме со нив и да разговараме за нивните вистински проблеми, кои се значителни и продолжуваат да растат.
Ова го истакна претседателката Гордана Сиљановска – Давкова по средбата во Тирана со Марјана Костофски – Фелах, член на Комитетот за национални малцинства во албанската Влада, Ендрит Фатаху, потпретседател на Македонската Алијанса за Европска интеграција, Незир Муча, потпретседател на Македонското друштво Илинден, и Славица Свидерска, професорка по македонски јазик на Лекторатот по македонски јазик на Факултетот за странски јазици при Универзитетот во Тирана.
Сиљановска – Давкова нагласи дека во моментов е од суштинска важност донесената одлука за утврдување на критериумите, документацијата и постапките за собирање информации за идентификација на лица кои припаѓаат на националните малцинства.
– Иако изгледа многу демократски, за да се забележат неправилности во текот на оваа процедура или да се има приговор на резултатите, потребно е да се обезбеди двотретинско мнозинство, што е доста тешко за постигнување. Ако некој е засегнат од оваа постапка, тоа се припадниците на македонското национално малцинство, истакна претседателката.
Според Нeа, време е да се одговори на овие проблеми, чие решавање е важно и за нас и за нив. Дури и не изгледа како голем проблем.
– Кој е проблемот во тоа што ги прават сите држави во однос на националните малцинства, кога станува збор за издавање државјанства, отворање на повеќе гранични премини? Што е проблемот да се продолжи рокот на пасошите? Како држава, треба да интервенирате во распределбата на пасоши за оние кои навистина имаат потреба. Тоа се прави во нашиот регион и во светот. Каков е проблемот да се поддржи изучувањето на македонскиот јазик, да се отворат нови лекторати, и, каде има македонско малцинство, да се отвори уште некој Конзулат? Тоа е прашање поврзано со идентитетот. Навистина е шокантно што луѓе, кои со векови се идентификуваат како Македонци, сега се принудени да ја променат својата припадност поради економски притисоци, потенцираше Сиљановска – Давкова.
Таа нагласи дека намерно ќе ги пренесе овие барања до надлежните во наредните денови, истакнувајќи дека тоа е нивна неопходна потреба.
Нагласувајќи ги добрите односи и разбирањето со Република Албанија, Сиљановска – Давкова посочи дека таму каде што се направени грешки, треба да продолжиме поактивно.
– Нас ни е должност да помагаме, изјави претседателката по завршувањето на работната посета на Тирана.
