Истрага за сексуално насилство врз деца во Кавадарци
Основното јавно обвинителство во Кавадарци започна истрага за два одвоени случаи на сексуално насилство врз деца. Претходно е донесена наредба за спроведување на истражна постапка во врска со сомненија за кривично дело – силување на дете под 15 години, согласно член 188 од Кривичниот закон.
Во првиот случај, под истрага се две полнолетни лица од Неготино. Тие прво го сториле кривичното дело за задоволување полови страсти во присуство на малолетник, согласно член 190. Осомничените имале сексуални односи пред малолетно дете, кое ги снимало со мобилен телефон. Во јули минатата година, додека детето имало 14 години, еден од осомничените повеќе пати го навел на сексуални односи, за што му давал определени парични средства. Јавниот обвинител предложи мерка притвор за овој осомничен, бидејќи за делото силување на дете е предвидена казна затвор од најмалку 8 години.
Во вториот случај, Кавадаречкото обвинителство постапува и против татко од Кавадарци, осомничен за други полови дејствија спрема неговата 13-годишна ќерка. Во алкохолизирана состојба, тој повеќе пати ја допирал девојчето, со што постои сомнение за сторување на кривичното дело предвидено во ставот 5 на член 188, за кое е предвидена казна затвор од најмалку три години.
