Нови информации за организираната криминална група во земјоделството
Скандалот во земјоделскиот сектор продолжува да се развива, со нови докази за корупција и мито поврзани со државни функционери блиски до ВМРО, според изјавите на СДСМ. Како што објавија медиумите, директорот на државниот инспекторат за земјоделие, Васе Анакиев, бил фатен “на дело” при примање поткуп од околу 50.000 евра.
Ова е само еден во низата скандали кои укажуваат на тоа дека власта, во која доминираат криминалци, ги краде граѓаните и земјоделците на големо. Програмата ИПАРД 3, вредна 130 милиони евра, беше суспендирана токму поради оваа корупциска афера, кога директорот на Агенцијата за финансиска поддршка за земјоделството и руралниот развој, исто така, беше уапсен поради мито од истата сума.
Заради корупцијата на партиските кадри, земјоделците во Македонија се оставени без средства. Субвенциите се намалени за 40%, цените на горивото се зголемија, а откупните цени на производите се понижувачки ниски. На пример, зимската зелка се откупува за само 6 до 8 денари, а лозарите исто така се соочуваат со ниски откупни цени. Владата одби да го усвои предлогот на СДСМ за дополнителни 3 денари по килограм.
Секој аспект на земјоделството е во катастрофална состојба, а проблемите произлегуваат од корупцијата во редовите на ВМРО и организираната криминална група.
