Македонскиот ракометен тим се соочува со голем предизвик во вечерашниот натпревар во првото коло од Европското првенство. На отворањето на групата Б, нашиот противник е домаќинот Данска.
– Играчите знаат дека играњето во Данска, особено против таква силна селекција, е навистина предизвик. Данска е актуелен шампион и во последните години доминира во ракометот. Ние ќе се обидеме да уживаме во овој момент и да дадеме максимум за да ја направиме нашата земја горда. Секако, имаме амбиции да преминиме во следната рунда, но ќе се фокусираме на секој натпревар, чекор по чекор, и се надеваме на поволен резултат, изјави македонскиот интернационалец и голман, Мартин Томовски.
Дуелот започнува во 20:30 часот.
