Украинскиот претседател Володимир Зеленски денеска изјави дека доколку Русија ги отфрли предложените идеи од средбата на украинската и американската делегација во Џеда, Киев очекува силна реакција од САД за да влијае врз Русија. Зеленски истакна, „Колку што разбрав, можеме да сметаме на решителни потези од страна на САД во однос на Русија. Деталите засега не ми се познати, но станува збор за санкции и зајакнување на позицијата на Украина“. Тој додаде дека преговорите во Џеда меѓу украинската и американската делегација ги опфатија сите значајни теми и дека дискусијата беше исклучително конструктивна.
