Реал Мадрид се соочува со неочекуван предизвик околу една од своите најзначајни ѕвезди. Џуд Белингем, кој беше доведен како клучно засилување на проектот, не успева да се прилагоди и неговите перформанси оваа сезона не блескаат.
Клубот е свесен дека англискиот играч не поминува низ најдобра форма. Иако официјално не е на пазарот, доколку стигне значајна понуда, претседателот Флорентино Перез би можел да размисли за негов заминување, според информациите од шпанските медиуми.
Во последно време, клубот примил понуди од Премиер лигата кои надминуваат 100 милиони евра.
Водечките англиски екипи веруваат дека британскиот репрезентативец е сè уште одлична инвестиција и се подготвени да вложат значителни средства во летниот преоден рок.
Оваква сума би дозволила на Реал Мадрид да ја надомести вложената сума и да создаде простор за освежување на средниот ред. Во моментов, ставот на раководството е јасен: Белингем не е на продажба, но целата ситуација се следи внимателно.
Во клубот постои загриженост дека фудбалерот не се чувствува удобно во својата моментална позиција. Неговите напаѓачки способности се намалени, а барањата во одбраната се зголемени, што влијае на неговиот статус во тимот со доаѓањето на новите ѕвезди. Сето ова создава одредена фрустрација кај него.
Реал Мадрид му нуди поддршка, но ако не се подобри до крајот на сезоната, не може да се исклучи ниедна опција. Клубот го цени неговиот талент, возраст и комерцијално влијание, но главен приоритет останува стабилноста во соблекувалната и спортската конзистентност на проектот.
Прифаќањето на понуда за над 100 милиони евра би овозможило на Реал да зајакне неколку клучни позиции или да побара играч кој подобро одговара на моменталниот стил на игра.
Белингем досега постигна шест гола и има четири асистенции во 27 натпревари оваа сезона.
Foto/ depositphotos
