Поранешниот воен лидер на босанските Срби, Ратко Младиќ, преку својот адвокат поднесе барање за привремено ослободување од затвор, аргументирајќи дека неговата здравствена состојба се влошила. Според информации од Меѓународниот резидуален механизам за кривични судови во Хаг, во соопштението се изразува загриженост за неговото здравје.
Во пријавата се наведува дека медицинската екипа на судот го известила Младиќ и неговото семејство дека неговата болест е неизлечива, со тоа што е поставен на палијативна нега, фокусирана на крајот на животот.
Младиќ, кој во периодот на војната во Босна и Херцеговина (1992-1995) беше командант на војската на Република Српска, беше осуден на доживотен затвор поради геноцид, злосторства против човештвото и кршење на законите за водење војна.
Неговите адвокати истакнуваат дека му остануваат само неколку месеци живот и дека, поради неговата состојба, не постои ризик од бегство. „Ограничениот животен век е клучно хуманитарно прашање и треба да биде на прво место“, стои во барањето.
