На големото собрание, на кое присуствуваа повеќе од 350 гости, вклучувајќи бизнис лидери, ХР професионалци и членови на дипломатскиот кор, беа доделени наградите за најпосакуваните компании за вработување.
Четврта година по ред, престижната титула за Најпосакуван работодавач ѝ припадна на Алкалоид, компанија која се потврдува како водечка во изборот на Македонците за работа.
Како второпласирана оваа година, јавноста избра КАМ маркетите.
Третото место во категоријата Најпосакуван работодавач за 2025 година му припадна на Пивара Скопје, поради изразените развојни можности и сигурноста што ја нуди на вработените.
На настанот беа доделени и награди за најпосакувани работодавачи по различни индустрии.
Добитниците по индустрии се:
- ЕВН – јавни услуги
- Пивара АД Скопје – производство на храна и пијалаци
- Атлантик груп – дистрибуција
- Комерцијална банка АД Скопје – банки
- ДМ Дрогерија маркт – трговија на мало
- Кромберг и Шуберт Македонија – фабрики
- Македонски телеком – телекомуникациски услуги
- КАМ маркет – маркети
- ЛПП Македонија – продажба на текстил
- Делта бет – Моцарт – игри на среќа
- Нетцетера – ИТ сектор
- Зегин – аптеки
И оваа година беа доделени Специјални признанија од Вработување.ком.
Наградата за Најдобра кампања за промоција на работодавачот, која се доделува на компании што инвестираат во својот имиџ и ја зголемуваат атрактивноста за вработување, ја освои Гемак трејд – Малиќи груп.
Наградата за Ребрендирање раст му припадна на Рагуза Груп, за значителниот напредок постигнат преку ребрендирање и редефинирање на своите процеси.
Овогодишните награди се засноваат на реална перцепција во пазарот на труд и се добиени преку јавно гласање на платформата за вработување.
Во изборот учествуваа над 27.000 гласови од повеќе од 9.000 гласачи, што истакнува силна доверба во резултатите.
Покрај гласовите, во финалната оценка беа вклучени и дополнителни пазарни индикатори од платформата за вработување, што обезбедува објективна и сеопфатна анализа на позициите на работодавачите.
Настанот го отвори мотивацискиот говорник Дарко Мирковиќ, кој нагласи важноста на лидерство засновано на доверба, развој и грижа за вработените.
Во рамките на програмата, генералниот менаџер на Alma Career Македонија, Дарко Велков, го презентираше проектот Inclusive Hub – иницијатива за унапредување на инклузивноста на пазарот на труд, со цел поврзување на лицата со попреченост со работодавачите и обезбедување соодветна обука, поддржана од Alma Career.
Настанот беше воден од актерот Гораст Цветковски и се одржа под покровителство на Porsche Skopje, Eko Fluid и Creative Solutions, компании кои со својот пример поставуваат стандарди за одговорно работодавачко делување.
