Во основното училиште „Гоце Делчев“ во Општина Центар денеска се доставија прирачниците за справување со врсничкото насилство. Овие прирачници се создадени како дел од општествено одговорната иницијатива на компанијата „Макпетрол“ под наслов „Крени глас против врсничко насилство“. Во соработка со Министерството за образование и наука, компанијата започна со дистрибуција на овие материјали до основните училишта низ цела Македонија, со цел да ги поддржи младите во справувањето со насилството помеѓу врсниците.
