Националната установа Камерен Оркестар на Битола ги започна подготовките за новата музичка сезона со внесување на свежи лица и нови вработувања. Во нивното соопштение до јавноста, од оркестарот известуваат дека се соочуваат со недоволни основни ресурси за нормално функционирање. Велат дека немаат соодветен простор за проби и финансиските средства значително им недостигаат за непречено реализирање на активностите. Министерството за култура годинава одобрило само четири проекти за нив, што е речиси десет пати помалку во споредба со музичките установи во Скопје. Заради овие ограничувања, за претстојните проекти и настани во 2025 година ќе мора да се потпираат на сопствени извори, како што се продажбата на влезници и потрагата по спонзори, изјави в.д. директорот Дејан Цветковски. Камерниот оркестар на Битола повеќе од десет години работи успешно, а од 2024 година го добија статусот на национална установа. Недостигот на простор и финансии создаваат потешкотии во планирањето на нивните концерти, што дополнително го отежнува нивното функционирање. Сепак, се надеваат дека Министерството за култура и туризам ќе најде начин да помогне, овозможувајќи им реализација на амбициозните планови за годината, како што тоа го прават за другите национални установи од овој вид, информираат од оркестарот.
