Со свој македонски павилјон, организиран од Македонскиот културен центар во Тирана, нашата држава ќе се претстави со повеќе од 60 уметници, продуценти, фестивали, филмски автори, занаетчии и претставници на креативните индустрии.
Овaa значајна појава претставува важен чекор за меѓународно презентирање на македонската култура, отворајќи нови можности за соработка и поголема видливост на домашната уметничка сцена на регионално и европско ниво. Учеството се реализира со поддршка од Министерството за култура и туризам на Македонија, што дополнително ја нагласува институционалната важност на настанот.
На свеченото отворање, планирано за 17 април, ќе биде изведен 40-минутен сценско-визуелен перформанс со настап на истакнатата македонска пијанистка Ема Попивода и Камерниот оркестар Профундис, во соработка со оркестарот на РТШ.
Овој уникатен проект ќе понуди современ аудиовизуелен концепт кој спојува класична музика, електронски елементи и визуелна уметност, создавајќи силен уметнички вовед во македонското присуство на фестивалот и претставувајќи го со тоа македонските уметници рамо до рамо со интернационални имиња од светската сцена.
Во рамките на саемскиот дел, ќе се презентираат истакнати македонски културни и креативни организации, меѓу кои: Авалон продукција, Пасворд продукција, Фестивалот на филмска камера Браќа Манаки, Вардар Филм и други. Учесниците ќе имаат свои информативни дескови, како и можност за директни средби со меѓународни партнери.
Посебно внимание ќе привлече „Артизан вилиџ“, каде ќе биде презентирано македонското традиционално занаетчество, вклучувајќи охридски бисери, филигран, рачно ткаени килими, везови и современи уметнички инсталации.
Поради значајното учество и придонес во промоцијата на културата, организаторите на „Мјуз-екс експо фестивал“ ќе доделат специјално признание на Македонскиот културен центар во Тирана и на Министерството за култура и туризам на Македонија, кое ќе биде врачено на свеченото отворање во присуство на Државниот секретар за култура, Марија Ѓоргова.
„Учество со национален павилјон и толку бројна делегација е силна потврда за креативниот потенцијал на Македонија. Нашата цел е преку програмата, експо-претставувањето и вмрежувањето со меѓународни партнери да создадеме конкретни можности за нови соработки и поголема видливост на македонските уметници и културни индустрии,“ изјави Ема Попивода, директорка на Македонскиот културен центар во Тирана.
„Горди сме што отворањето ќе биде одбележано со уникатен сценско-визуелен перформанс, што симболично ја претставува современата македонска уметничка сцена. Интернационалниот карактер на фестивалот и експо делот создаваат одлична платформа за културна размена, а токму тоа е и нашата мисија – да ја претставиме Македонија како динамична и креативна културна средина,“ додаде Попивода.
„Мјуз-екс експо фестивал“ е значајно интернационално настанување што обединува уметници, диџеи, продуценти и креативни професионалци од различни земји. Фестивалот се одржува на единствена мултифункционална сцена во просторот на Пирамидата во Тирана, со повеќе тематски фестивалски вечери, програми од различни музички жанрови, како и паралелни настапи и презентации.
Покрај музичката програма, настанот вклучува конференции, панел дискусии, филмски проекции, експо презентации и професионални средби, што го позиционира како значајна меѓународна платформа за културна размена и соработка. Во овој контекст, македонските уметници ќе настапат рамо до рамо со истакнати имиња од светската уметничка сцена, пред публика и стручњаци од целиот свет.
Овој настап претставува една од најзначајните организирани презентации на македонската култура во регионот. Преку музика, филм, визуелни уметности и традиционални занаети, Македонија ќе ја покаже својата автентичност и современа културна продукција. Настанот отвора простор за нови партнерства, размена на идеи и засилено присуство на македонските уметници на регионалната сцена.
На овој начин, македонската култура добива значајна платформа за промоција пред меѓународната публика, потврдувајќи го својот потенцијал и улога во културниот дијалог на Балканот и пошироко, во европски и глобален контекст.
