Кремљ со задоволство ја прими веста дека САД ги прекинале испораките на некои типови оружје за Украина, оценувајќи дека секое намалување на американската воена помош значи блиску до крајот на конфликтот.
„Разбираме дека причината за оваа одлука е недостигот на оружје во американските арсенали. Во секој случај, колку помалку оружје се испорачува на Украина, толку поблиску сме до завршувањето на специјалната воена операција,“ изјави портпаролот на Кремљ, Дмитриј Песков.
Според информации од западни медиуми, Пентагон престанал со испораките на некои противвоздушни ракети и прецизни муниции поради загриженост за сопствените ресурси. Висок украински пратеник ова го оцени како „болно“ за Киев, особено во светлината на зголемените руски воздушни напади во последните недели.
Песков, исто така, потврди дека Франција иницирала телефонска комуникација помеѓу претседателите Емануел Макрон и Владимир Путин, што беше прва директна средба по речиси три години. Разговорот, кој траел повеќе од два часа, бил „многу содржаен“ и покриваше теми како што се војната во Украина и конфликтот меѓу Иран и Израел.
На новинарско прашање дали Макрон покажа подготвеност да дискутира за мировни услови кои би ги признале новите реалности на теренот, Песков одговори: „Не, тоа не се случи. Имаше размена на согледувања, а разговорот вклучуваше и детали. Ова беше добра можност за разјаснување на различните ставови.“
