На 14 мај, во 20 часот, во културниот простор Јавна соба ќе се одржи поетско-музички настан каде што ќе се слушаат стихови од последните две книги на македонскиот колумнист, поет и преведувач, Тихомир Јанчовски. Настанот ќе се одликува со музички изведби од Зоран Тортевски и визуелни дела на Будимка Поповска. Новоиздадените книги на Јанчовски, „Пристоен предлог“ и „Пеколот е мало место“, за прв пат ќе бидат претставени пред јавноста, а ова ќе биде и нивната дебитантска изведба. Некои од песните што ги напишал авторот биле направени за легендарниот музички состав Мизар, специјално за пејачот Зоран Тортевски. Воведниот дел ќе го изведе Тања Аждаја, која воедно ја има и улогата на уредник на книгите, додека стиховите ќе ги пренесат Тихомир Јанчовски и Зоран Тортевски. За музичката атмосфера ќе се погрижат Ристо Апостолов на гитара и Добрила Грашеска како вокал. За визуелната поддршка ќе биде задолжен уметникот Владимир Лукаш, додека заклучниот дел ќе го изведе Душко Крстевски, кој исто така е автор на поговорот.
Издавањето на „Пеколот е мало место“ е под покровителство на издавачката куќа Макавеј. Билети за настанот може да се купат на интернет платформата www.drugastrana.mk или директно на влезот.
