Македонската тенисерка Лина Ѓорческа оствари впечатлив старт на Челинџер турнирот во Рим, кој се одржува со награден фонд од 100.000 евра. Во своето прво коло, таа ја совлада бразилската тенисерка Лаура Пигоси со резултат 2:0 во сетови (6:1 и 6:1) за само 87 минути игра.
Ѓорческа започна многу силно, поведе со 4:0 во гемови, а иако ривалката успеа да освои еден гем, Лина лесно го затвори првиот сет со резултат 6:1, водејќи ја во мечот со 1:0. Во вториот сет, по израмнета игра од 1:1, Ѓорческа направи серија од пет последователни гема и повторно го освои сетот со 6:1, завршувајќи го мечот со убедливи 2:0.
Во следното коло, Ѓорческа ќе се соочи со победничката од натпреварот помеѓу Доминика Салкова (чешка, 6. носителка) и Петра Марчинко (Хрватска).
