Жозе Мурињо повторно ќе седне на тренерската столица на Реал Мадрид. Ова синоќа го потврди Флорентино Перез по победата на претседателските избори. Португалецот веќе започна со комплетирањето на својот тренерски тим за вториот мандат во клубот.
Мурињо е познат по својата практика да назначува поранешни играчи на клубот за соработници, а според информации од Рамон Алварез де Мон, се чини дека Пепе би можел да биде идеален за таа позиција, пишува „Марка“.
Пепе ги помина своите десет години во Реал Мадрид од 2007 до 2017 година, а Мурињо беше негов тренер за време на првиот мандат. Како бескомпромисен стопер и омилен играч меѓу навивачите, неговиот престој во клубот беше обележен со контроверзен инцидент со Каскера, поради кој доби значителна суспензија од дисциплинската комисија. Својата кариера ја заврши во 2024 година во Порто.
Со Реал, Пепе освои три Лиги на шампиони, три шпански првенства, два Кралски купа, две Светски клупски првенства и два Суперкупа на УЕФА. Тој беше запаметен по своите лидерски способности на теренот и извонредната дефанзивна игра.
Во текот на неговиот прв мандат, Мурињо, по препорака на Фернандо Ијеро, го назначи Аитор Каранка за помошник тренер, иако претходно не го познаваше. Каранка подоцна успеа да изгради своја тренерска кариера.
Пепе ужива целосна доверба од Мурињо, а портчалскиот тренер особено го цени неговото искуство и познавање на клубот, што го прави совршен за потребната улога.
Ако се приклучи на тренерскиот штаб, поранешниот фудбалер ќе работи со Тралау и Мачадо (асистенти на Мурињо), Мерела (аналитичар), Антонио Дијас (тренер за кондиција) и Нуно Сантос (тренер на голмани).
Фото/ Depositphotos
