Екипите на „Македонија Пат“ од Подружницата во Петровец вечерва околу 21 часот ги расчистија два поголеми одрони на автопатот Скопје-Велес. Одроните се случија на локации блиску до манастирите, како и на потпорниот ѕид на тунелот кај Башино Село, на влезот во Велес. Информацијата ја пренесоа за МИА од Подружницата, нагласувајќи дека одроните биле предизвикани од поројните дождови кои се паднаа доцна попладне.
Тие исто така информираа дека за време на расчистувањето, екипите на Министерството за внатрешни работи го регулирале сообраќајот на двете коловозни ленти на автопатот.
Покрај тоа, екипите од „Македонија Пат“ успешно го отстранија и паднатото дрво на левата коловозна лента пред велешката патарина Сопот.
