Општината Аеродром известува дека инспекциските служби, по добиени пријави од граѓаните, извршиле контроли на теренот. При овие проверки, утврдено е дека некои угостителски објекти не ги следат законските прописи, што доведе до изречување санкции. Доколку и понатаму не се почитуваат прописите, ќе бидат поднесени и кривични пријави. Инспекторите продолжуваат со интензивни проверки на угостителските и туристичките објекти, особено во вечерните и ноќните часови. Граѓаните кои ќе забележат неправилности во работењето на овие објекти, можат веднаш да пријават.
