Со денешната прес-конференција, официјално е започнато шестото издание на националната еколошка акција „Генералка Викенд 2026“. Оваа иницијатива ќе се одвива во 80 општини, на повеќе од 500 локации низ целата земја, од 8 до 10 мај. Акциите се организирани од здружението „Мен енд Маунтен“, со поддршка од нивните официјални партнери: Пивара Скопје, Пакомак, Нула Отпад, Макстил, ЕВН, ИУТЕ и многу други.
Целта на овие еко-акции е подигање на свеста за важноста на чистата животна средина и активно учество на граѓаните во заштитата на природата.
