Основното јавно обвинителство за гонење на организиран криминал и корупција започна истражна постапка против 18 физички и осум правни лица, поради наводи за проневера во службата и перење пари во Фудбалската федерација на Македонија. Во рамките на координирана акција, спроведена од истражителите на ОЈО ГОКК, Министерството за внатрешни работи и Управата за финансиска полиција, притворени се 12 лица, додека петмина во моментов остануваат недостапни за органите на прогон. Според информациите од Обвинителството, во фокусот на истрагата се наоѓаат двајца главни осомничени.
