Друштвото на писателите на Македонија организира средба по повод значајниот јубилеј, одбележувајќи осумдесет години од официјализирањето на стандардниот македонски јазик. Настанот ќе се одржи во четврток, на 8 мај 2025 година во 12 часот, и ќе биде насловен „Што ни значи нам јазикот?“. Главниот акцент на оваа средба ќе биде на запознавањето со новите членови на Друштвото: Искра Донева, Милчо Мисоски, Митко Гогов, Хана Корнети, Симона Јованоска, Атанас Бојаровски, Лулзим Хазири и Драгана Лукан Николоски. Новите членови ќе имаат можност да споделат дел од нивното творештво со публиката.
Пред овој дел, воведно излагање ќе одржи Славчо Ковилоски, познат раскажувач, поет и професор на Институтот за македонска литература во Скопје, кој воедно е и главен уредник на списанието „Стожер“. Тој ќе говори за фините врски кои го поврзуваат јазикот со книжевноста и нивната заемна поддршка во литературата.
