Норвешката влада најави дека ќе предложи закон кој ќе забрани користење на социјалните мрежи за деца помлади од 16 години. Технолошките компании ќе бидат обврзани да ја потврдуваат возраста на своите корисници. Премиерот Јонас Гар Стјоре истакна дека целта на оваа иницијатива е да се обезбеди детство во кое децата ќе можат да растат без прекумерно влијание од дигиталните платформи и нивните алгоритми. Тој нагласи дека ова е значаен чекор кон заштита на дигиталниот живот на младите и нивниот развој. Според најавите, владата планира предлог-законот да го поднесе до парламентот до крајот на годината, по што ќе следи расправа за неговото усвојување.
