Сите патишта во државата се проодни, а сообраќајот се одвива без пречки, и покрај обилните снежни врнежи. Ова го соопшти заменик-претседателот на Владата и министер за транспорт, Александар Николоски, кој денес изврши увид во работата на јавното претпријатие „Македонија пат“ на планинските превои Стража и Пресека.
Николоски истакна дека состојбата на теренот е задоволителна, а екипите работат непрекинато за да ги одржат патиштата безбедни и проодни. „Денес сум на терен и можам да потврдам дека сите патишта во државата се проодни. Се заблагодарувам на работниците од ‘Македонија пат’, кои се вложуваат максимално за патиштата да бидат чисти и безопасни. Претходно бев на превојот Пресека, а сега сум на Стража, и ќе посетам и други локации“, рече Николоски.
Во неговиот обраќање, тој упати јавна благодарност до работниците за нивната трудољубивост и апелираше до граѓаните да бидат внимателни при патување. „Ги повикувам сите кои патуваат да се придржуваат на сообраќајните правила, да користат зимски гуми и ланци каде што е потребно, и да возат со голема внимателност. Наша е обврската патиштата да бидат проодни и тоа ќе го постигнеме, за последиците од ова невреме да бидат минимални“, подвлече вицепремиерот и министер за транспорт.
