На денот пред стартот на Ролан Гарос, вниманието е насочено кон прес-конференциите на врвните тенисери, кои продолжуваат да се произнесуваат за своите побарувања кон организаторите. Главната забелешка е во тоа што тенисерите и тенисерките добиваат само мал дел од приходите што ги остваруваат организаторите на турнирите.
На прес-конференцијата, најдобриот светски тенисер, Јаник Синер, имаше на располагање 15 минути според договорот.
— Ќе видиме како ќе реагираат и другите Гренд слем турнири, а потоа ќе донесеме одлука. Немаме ништо против вас, новинарите. Среќни сме што ги извршуваме своите обврски, но сега ги ограничивме времето. Не зборуваме за наградниот фонд, туку за пензиите, а тоа е важна тема. Не знаеме кога точно почнуваат Гренд слем турнирите, три од четири започнуваат во недела, па сакаме малку повеќе да се дискутира и за тоа, изјави Синер на пресот пред Ролан Гарос.
Во отсуство на Карлос Алкараз, италијанскиот тенисер е главен фаворит за освојување на пехарот оваа година.
